Иликтөө маалыматтарына ылайык, айрым курулуш компаниялары долбоордук документацияда авто токтоочу жайлардын бар экендиги тууралуу жалган маалыматтарды берген. Бул туура эмес маалыматтардын негизинде долбоорлор бекитилген, бирок чындыгында үйлөр зарыл авто токтоочу жайларсыз курулган. Кээ бир учурларда милдеттүү инфраструктуранын ордуна коммерциялык объектилер курулган.
Иликтөө органдары архитектура бөлүмүнүн кызматкерлери курулуш компанияларынын өкүлдөрү менен алдын ала макулдашып, шаар куруу нормаларын системалуу түрдө бузуп келгенин аныкташты. Бул шаардагы транспорттук көйгөйлөрдү гана күчөтпөстөн, курулушту кечиктирүүгө жана инфраструктурасы толук болгон жашоочу комплекстерди күтүп жаткан үлүшчүлөрдүн массалык нааразычылыгына да алып келди.
Кылмыш ишинин алкагында шаардык башкы архитектордун биринчи орун басары жана архитектор камакка алынды, азыр алар убактылуу кармоо жайында. Иликтөө аракеттери уланууда, схеманын бардык детальдары жана мүмкүн болгон катышуучулары аныкталууда.
