22 жаштагы жергиликтүү тургун А. Б. укук коргоо органдарына кайрылып, белгисиз адамдар анын видеотасмасын жайылтуу менен акча талап кылып жатканын билдирген.
Окуя боюнча Кыргыз Республикасынын Кылмыш кодексинин 208-беренеси "Акча талап кылуу" боюнча кылмыш иши козголду. Оперативдик иш-чаралар "Бандит" профилактикалык операциясынын алкагында жүргүзүлдү.
Кармалган 21 жаштагы С. М. Ош шаарынын тургуну жана 23 жаштагы Ч. уулу Б. Кара-Суу районунан. Алар экөө тең Кыргыз Республикасынын Кылмыш процессуалдык кодексинин 96-беренесине ылайык убактылуу кармоо жайына жайгаштырылды.
Учурда укук коргоо органдары кармалгандардын башка ушундай кылмыштарга тиешеси бар-жогун текшерүүдө.
