Алынган маалыматтарга ылайык, 13-февралда Чүй районунун ички иштер бөлүмүнө Н.И. аттуу жаран кайрылган. Ал ошол күнү саат 16:00 чамасында Т.Д. аттуу жаран жана анын бир нече тааныштары тарабынан күч менен үйүнөн чыгарылып, Ак-Бешим айылына алып кетилгенин билдирген. Ал жерде ага физикалык күч колдонулган.
Окуя боюнча Кыргызстандын Кылмыш кодексинин 165-беренеси «Адам уурдоо» боюнча кылмыш иши козголду.
Оперативдик иш-чаралардын жүрүшүндө укук коргоо органдары шектүүлөрдүн ким экенин аныктап, 2007-жылы туулган үч шектүүнү кармашты. Шектүүлөр убактылуу кармоо жайына жайгаштырылды.
Тергөө маалыматтарына ылайык, окуянын катышуучуларынын ортосунда карыздык милдеттенмелерден улам жаман мамиле болгон.
Азыркы учурда зарыл соттук-укуктук экспертизалар дайындалып, болгон окуянын бардык жагдайларын аныктоо үчүн тергөө иштери жүргүзүлүүдө. Тергөө уланууда.
