Милициянын маалыматына ылайык, Бишкектин эки тургуну 10-февралда Аламудун районунун Ички иштер бөлүмүнө кайрылып, 7-февралда Ленинское айылына жакын талаада болуп, кол салууга кабылгандыктарын билдиришкен. Белгисиз адамдар аларга дене жаракаттарын салып, iPhone 13 Pro Max, акча салынган барсетканы жана сааттарын ачык түрдө тартып алып, окуя болгон жерден качып кетишкен.
Окуя боюнча Кыргыз Республикасынын Кылмыш кодексинин 206-беренеси ("Тоноп кетүү") боюнча кылмыш иши козголду.
Оперативдүү-издөө иш-чараларынын натыйжасында укук коргоо органдары шектүүлөрдүн ким экенин аныктап, кармашты, азыр алар убактылуу кармоо жайында.
Тергөө учурунда уурдалган буюмдардын үчүнчү жактарга сатылганы аныкталды. Буюмдар алынып, материалдык далилдер катары таанылды.
Учурда соттук экспертизалар дайындалды, зарыл тергөө иштери жүргүзүлүүдө жана иликтөө уланууда.
