Заявительлердин айтымында, окуя 7-февралда Ленинское айылына жакын талаада болгон. Ал жерде белгисиз адамдар аларга дене жаракаттарын берип, К.Х.нын iPhone 13 Pro Max уюлдук телефонын, акча салынган барсетканы жана К.Б.нын кол саатын тартып алышкан. Кылмыш жасалгандан кийин шектүүлөр окуя болгон жерден качып кетишкен.
Бул окуя катталып, Кыргыз Республикасынын Кылмыш-жаза кодексинин 206-беренеси (урулук) боюнча кылмыш иши козголгон.
Оперативдүү-издөө иш-чараларынын натыйжасында укук коргоо органдары шектүүлөрдүн ким экенин аныкташкан. Алар Т.К. (2001-жылы туулган), К.О. (2002-жылы туулган) жана К.Р. (2006-жылы туулган) болуп чыккан.
Кыргыз Республикасынын Кылмыш-процессуалдык кодексинин 96-беренесине ылайык, алар кармалып, убактылуу кармоо жайына жайгаштырылган.
Тергөө учурунда уурдалган мүлктүн үчүнчү жактарга сатылганы аныкталды. Азыркы учурда ал алынган жана кылмыш ишинде далилдер катары таанылды.
Керектүү соттук экспертизалар дайындалды жана болгон окуянын бардык жагдайларын толук жана объективдүү аныктоого багытталган тергөө иштери уланууда.
