Башкалаанын тургуну 30-январда саат 20:00 чамасында болгон окуядан кийин милицияга кайрылган. Чүй проспекти менен Шопоков көчөсүнүн кесилишинде анын iPhone 17 Pro Max телефону уурдалган. Аял эки жаш жигитке шектенип, аларды кармоого аракет кылган.
Бул окуя Кыргыз Республикасынын Кылмыш-жаза кодексинин 205-беренеси ("Уурулук") боюнча катталган.
Бишкек ШИИБинин УУР кызматкерлери шектүүнү Талас облусунда кармоого жетишти. Ал мурда чөнтөк ууру катары каттоодо турган А.Б. болуп чыкты. Аны убактылуу кармоо жайына жайгаштырышты.
Тергөө учурунда шектүү жапа чеккен адамды башка шектүүлөрдү кармоого аракет кылып жатканда көзөмөлдөп турганы аныкталды.
