Чуй облусунда экологиялык жана техникалык көзөмөл кызматынын биоресурстарды контролдоо бөлүмүнүн инспекторлору тарабынан уюштурулган рейддик иш-чара өттү.
Кыргыз Республикасынын Табигый ресурстар, экология жана техникалык көзөмөл министрлигинин маалыматына ылайык, аталган рейддердин натыйжасында мыйзамсыз аңчылык менен алектенген бир нече адам кармалды.
Кылмышкерлерге Кыргыз Республикасынын укук бузуулар кодексинин 263-беренеси боюнча аңчылык эрежелерин бузгандыгы үчүн 20 протокол түзүлдү. Ар бирине 12 500 сом айып пул салынды, жалпы сумма 250 000 сомду түздү.
