Маалыматка караганда, 17-январь күнү саат 21:00 чамасында эки белгисиз адам 17 жаштагы И.Т.ны "Атаке" дүкөнүнүн жанында Hyundai Grandeur унаасына күч менен отургузуп, белгисиз тарапка алып кетишкен.
Зардап чегүүчүдүн энесинин айтымында, кылмышкерлер кызды анын каалоосуна каршы алып жүргөндөн тышкары, ага дене жаракаттарын берип, курч зат менен бычактап, бууп, өмүрүнөн ажыратууга аракет кылышкан. Акырында, курак жаш кызды Чүй районундагы "Жаннат" мейманканасынын жанында таштап кетишкен.
Милиция кызматкерлери ыкчам-издөө иш-чараларын жүргүзүп, шектүүлөрдүн жеке башын аныкташкан — А.Э. (1993-жылы туулган) жана А.А. (1994-жылы туулган), аларды кармашкан. Эки шектүү убактылуу кармоо жайына киргизилген.
Керектүү соттук-укуктук экспертизалар жүргүзүлүүдө, тергөө уланууда.
