Бир кыздын туугандары укук коргоо органдарына жардам сурап кайрылышты
Бишкекте милиция кызматкерлери наркотиктерге тартуу боюнча шектүү адамды кармашты. Бул тууралуу Ленин районунун Ички иштер башкармалыгынын өкүлдөрү билдиришти.
Укук коргоо органдарынын маалыматына ылайык, «102» номерине Матыева көчөсүндөгү үйдө наркотиктерди колдонуу тууралуу билдирүү келип түшкөн. Билдирүүнү берген адам, анын жээни ушул даректе экенин түшүндүрдү.
Бул окуя Ички иштер башкармалыгынын автоматташтырылган маалыматтык системасына катталган.
Окуя болгон жерге келген кызматкерлер маалыматты тастыкташты, андан кийин милиция бөлүмүнө эки кыз жана бир жигит жеткирилди.
Текшерүү жана медициналык экспертиза учурунда кыздардын бир нече түрдөгү наркотиктерди колдонгону аныкталды. Ошондой эле тыюу салынган заттарды колдонууга тартуу боюнча далилдер жыйналды.
Шектүү, 1992-жылы туулган К.Ж. аттуу адамга карата Кыргыз Республикасынын Кылмыш кодексинин 287-беренеси боюнча кылмыш иши козголуп, ал ГУВДнын убактылуу кармоо жайына жайгаштырылды.
Сүрөт www
