Баш калаанын ИИБнин маалымат кызматына ылайык, 2025-жылдын 5-октябрында саат 18:00 чамасында Тоголок Молдо көчөсүндөгү короодо өзүнүн Kia Picanto унаасын калтырып, Караколго кеткен Д.Б. аттуу жаран милицияга кайрылган. Ал 2025-жылдын 9-октябрында үйүнө кайтып келгенде, унаасынын жок экенин байкаган.
Бул окуя боюнча Кыргыз Республикасынын Кылмыш кодексинин 211-беренеси (унаа уурдоо) боюнча кылмыш иши козголду.
Кармалган адам Бишкектин ИИБнин убактылуу кармоо жайына жайгаштырылды.
Тергөө учурунда шектүү унааны ээлеп алып, 80 миң сомго сатып, алган акчаны өз муктаждыктарына жумшаганы аныкталды. Бүгүнкү күндө унаа табылып, ишке заттык далил катары кошулду.
Кылмышка катышкан башка адамдарды аныктоо боюнча кошумча операциялык иш-чаралар жүргүзүлүүдө, ошондой эле кармалган адамдын окшош окуяларга катышы бар-жогу текшерилүүдө.
