Маалыматка ылайык, 2026-жылдын 24-январында Москва районунун Ички иштер бөлүмүнүн кызматкерлерине Т.Е. кайрылган. Ал 1996-жылы туулган, Сретенка айылындагы К.К. аттуу фермердик чарбанын директору. Ал ошол күнү, саат 15:00 чамасында, К.Д. аттуу жаран бухгалтерияга терезеден мыйзамсыз кирип, 425 миң сомду уурдап, кылмыш болгон жерден качып кеткенин билдирген.
Бул арыздын негизинде Кыргыз Республикасынын Кылмыш кодексинин 205-беренеси (Уурулук) боюнча кылмыш иши козголгон.
Рейддик иш-чаралардын жүрүшүндө милиция кызматкерлери 1980-жылы туулган шектүү К.Д.нын кайда экенин аныкташкан. Кыргыз Республикасынын Кылмыш-процессуалдык кодексинин 96-беренесине ылайык, ал кармалып, убактылуу кармоо жайына жайгаштырылган.
Кармалган учурда шектүүнүн колунда пистолет табылып, ал алынып, тиешелүү экспертизалар дайындалган.
