Алынган маалыматка ылайык, окуя 4-январда болгон. Ы.К. аттуу жаран Свердлов районунун Ички иштер бөлүмүнө кайрылып, «Глобус» дүкөнүнүн токтоочу жайында таңкы саат 5:30 чамасында бир топ адамдардын ага кол салып, денесине жаракат берип, 10 миң сом жана болжол менен 5 миң сомдук видеорегистраторду алып кеткенин айтып берген. Кылмыш жасалгандан кийин кылмышкерлер качып кетишкен.
Бул кылмыш боюнча Кыргыз Республикасынын Кылмыш кодексинин 206-беренеси (тоноо) боюнча кылмыш иши козголду.
Тергөө учурунда Ж.М. аттуу шектүү аныкталып, кармалды, ал Кыргыз Республикасынын Кылмыш-процессуалдык кодексинин 96-беренесине ылайык Бишкек шаардык Ички иштер башкармалыгынын убактылуу кармоо жайына жайгаштырылды.
