Жарандар социалдык тармактарда такталбаган маалыматтарды активдүү талкуулашууда
Кыргызстандын Ички иштер министрлиги белгилүү бир жарандар тобу менен байланышууга чектөөлөр киргизилери тууралуу ушактарды четке какты. Ведомствонун басма сөз кызматы бул билдирүүнү социалдык тармактарда тарап жаткан маалыматтарга жооп катары жасады.
«Мессенджерлерде жана социалдык тармактарда пайда болгон, айрым адамдар менен байланыштан качуу керектиги тууралуу маалымат жана коммуналдык кызматкерлер катары өздөрүн көрсөтүп жаткан кылмыштуу топтордун иштеп жатканы тууралуу маалыматтар жалган жана чындыкка дал келбейт», - деп баса белгилешти ИИМде.
Ведомство ошондой эле мындай билдирүүлөр жасалбаганын белгилеп, жарандарды тынчтыкты сактоого чакырып, маалыматтын расмий булактарынан гана алууга үндөдү.
«Текшерилбеген маалыматтарды таратуу Кыргыз Республикасынын мыйзамдарына ылайык юридикалык жоопкерчиликке алып келиши мүмкүн экенин эске алуу маанилүү», - деп кошумчалашты министрликте.
Жарандарга бул маалыматты жибербөө жана ИИМдин расмий билдирүүлөрүнө гана таянышуу сунушталды.
Сүрөт www
