Аларды мыйзамсыз наркотик соодасы менен алектенгендиги үчүн шектешет.
2-марттан 7-мартка чейин Баткен облусунун аймагында атайын операция өткөрүлүп, гашиш таратуучу кылмыштуу топтун иши токтотулду. Бул тууралуу Баткен облустук ички иштер башкармалыгынын басма сөз кызматы маалымат берди.
«Притон» операциясынын натыйжасында Кызыл-Кыя шаарында 21 жаштагы А.Б. жана 22 жаштагы Д.А. аттуу жергиликтүү тургундар кармалды.
Аларга Кыргыз Республикасынын Кылмыш-жаза кодексинин наркотикалык жана психотроптук заттарды мыйзамсыз өндүрүү боюнча беренеси боюнча кылмыш иши козголду.
Шектүүлөр убактылуу кармоо жайына жайгаштырылды.
