Кирип келген маалыматка ылайык, окуя 7-мартта Баткен районунун Самаркандек айылында жайгашкан ОсОО «Баткен Мунай» шахтасында болгон. Жер астында болжол менен 200 метр тереңдикте үч адам болгон.
Окуя болгон жерге Өзгөчө кырдаалдар министрлигинин Тоо куткаруу кызматынын 13 кызматкери жөнөп кетишти, алар жабырлануучуларды чыгаруу операциясын жүргүзүштү. Куткаруучулар эки каза болгон адамдын денесин чыгарып, укук коргоо органдарынын кызматкерлерине өткөрүп беришти. Үчүнчү кенчи тирүү табылып, тез жардам бригадасына өткөрүлдү.
Мындан тышкары, угар газынан ууланган шахтанын 18 жумушчусу Баткен райондук ооруканасына медициналык жардам сурап кайрылышты. Докторлордун маалыматына ылайык, алардын абалы канааттандырарлык деп бааланууда.
Издөө-куткаруу иштеринин аяктагандан кийин, куткаруучулар шахтада 40 метр тереңдикте тосмо орнотуп, өз базасына кайтып келишти.
