Окуя болгон жерге 13 куткаруу кызматкери жөнөтүлүп, жабыркагандарды издөө жана куткаруу иштерин жүргүзүштү.
Өзгөчө кырдаалдар министрлигинин маалыматына ылайык, куткаруучулар 200 метр тереңдиктен эки каза болгон адамдын денесин чыгарып, укук коргоо органдарынын өкүлдөрүнө өткөрүп беришти. Бир кенчи ийгиликтүү куткарылып, медициналык бригадага өткөрүлдү.
Мындан тышкары, газдан ууланган 18 кызматкер Баткен райондук ооруканасына жаткырылды, алардын абалы туруктуу деп бааланууда.
Куткаруу операциялары аяктагандан кийин Өзгөчө кырдаалдар министрлигинин адистери 40 метр тереңдикте тосмо орнотуп, туруктуу жайгашкан жерлерине кайтышты.
