Ведомство жолдо тыгындарды болтурбоо жана авариялык кырдаалдарды алдын алуу үчүн ЧС министрлигинин кызматкерлеринин ишин күчөтүү чечимин кабыл алганын белгиледи.
Жүргүнчүлөр жана айдоочулар үчүн убактылуу жылытуу пункттары уюштурулуп, анда куткаруучулар ысык тамак-аш менен камсыз кылышат.
12:45те «Сосновка», «Алим» жана «Арал» постторунда тыгындарды болтурбоо максатында убактылуу 199 жүк ташуучу унаа токтотулду, бул аба ырайынын жакшырышына чейин уланат.
Мурда билдирилгендей, Төө-Ашу ашуусунда да аба ырайынын кескин начарлашына байланыштуу туман жана кар түшүү катталган. Ошондуктан «Сосновка» постунда жүк ташуучу унаалар үчүн чектөөлөр азырынча күчүндө.
Turmush жазгандай, өткөн күнү муздак жана начар аба ырайы себептүү Өтмөк ашуусунан жүк ташуучу унаалардын өтүшүнө чектөөлөр киргизилген. Талас районунан чыкканда, кышкы шинасы жок унаалар өтпөй турган көзөмөл посту орнотулган. Түн ичинде чоң көлөмдө кар түшкөндүктөн, чектөөлөр уланууда.
