Ош шаарында мэрия жана Кыргызстандын президентинин Ош облусундагы өкүлчүлүгү жайгашкан имараттын капиталдык ремонту башталды.
Мэрия имарат мамлекеттик мүлк фондунан муниципалдык мүлк башкармалыгына өткөрүлгөнүн маалымдады.
Мэр Жеңишбек Токторбаевдин демилгеси менен капиталдык ремонт иштерине старт берилди. Биринчи этапта фасадды жаңылоо жана чатырды толук алмаштыруу пландалууда.
Имарат курулган учурдан бери 70 жылга жакын капиталдык ремонттон өтпөгөн.
Жүргүзүлүп жаткан иштер мамлекеттик мекемелердин кызматкерлерине жана келүүчүлөрүнө заманбап жана ыңгайлуу шарттарды түзүүгө багытталган.
