Бишкек шаардык мэриясы интернетте борбордогу мектептерде окуу процессинин убактылуу токтотулушу мүмкүн деген маалыматты четке каккан расмий билдирүү таратты.
Шаардык муниципалитеттин маалыматына ылайык, бардык билим берүү мекемелери кадимки режимде иштеп жатат жана бекитилген окуу планына ылайык иш алып барууда. Сабактар, анын ичинде кружоктор жана класстан тышкаркы иш-чаралар өзгөрүүсүз уланууда.
№38 мектептин администрациясы менен түшүндүрүү иштери жүргүзүлдү.
Мэрия шаар тургундарын расмий булактардан алынган маалыматка гана таянууга жана социалдык тармактарда таралган ушактарга жана текшерилбеген маалыматтарга ишенбөөгө чакырат.
