Электр инфраструктурасын толук модернизациялоо Майлуу-Сууда аяктады, деп билдирет Кыргызстандын Энергетика министрлиги. Жалал-Абад электр тармактары ишканасы жылуулук сезонуна даярдыкты ийгиликтүү аяктаган.
Шаарда 8 035 керектөөчү катталган, алардын ичинен 6 850 абонент заманбап «акылдуу» эсептегичтерди колдонуп жатат, бул электр энергиясын эсепке алууну автоматташтырууда маанилүү кадам болуп саналат.
Жаңы эсептегичтерди орнотуу процесси быйылкы жылдын мартында башталган жана азыр алар автоматташтырылган алыстан башкаруу системасынын негизинде иштеп жатат.
Мындан тышкары, Майлуу-Суу РЭС бир катар капиталдык жана оңдоо иштерин жүргүздү:
- 50 трансформатор техникалык тейлөөнөн өттү, ал эми 170,5 км аба линиялары текшерилди.
- Капиталдык ремонт 10 трансформаторго жана 6,7 км аба линиясына жүргүзүлдү.
- 44 эски жыгач опора жаңы темир-бетон опораларга алмаштырылды.
- Линияларды коопсуздугун камсыздоо үчүн 126,96 км трасса өсүмдүктөрдөн тазаланды.
- 2025-жылга пландын алкагында кошумча КТП орнотулуп, 0,6 км жаңы 0,4 кВ аба линиясы курулду.
