Стелла Кыргызстан аймагында, Баткен районундагы Төрт-Гүл айылдык аймагынын Кошмоло жеринде жайгашкан.
Учурда стелланын айланасына тосмо орнотулуп, ар бир тараптан үч мамлекеттин дарбазалары коюлган. Аймакты жашылдандыруу арча жана башка дарактарды отургузууну камтыйт, ошондой эле суу менен камсыздоо уюштурулган.
2025-жылдын 31-мартында үч өлкөнүн президенттери — Садыр Жапаров (Кыргызстан), Шавкат Мирзиёев (Өзбекстан) жана Эмомали Рахмон (Тажикстан) — чектерин кесип өтүп, достук стелласын салтанаттуу ачышты.
Церемония онлайн режиминде, Тажикстандын Худжанд шаарынан мамлекет башчыларынын катышуусунда өттү.
Ачылыш үчүн кызыл лентаны кесүүгө өкмөт башчысынын орун басары жана суу ресурстары, айыл чарба жана кайра иштетүү өнөр жайы министри Бакыт Торобаев, ошондой эле Өзбекстан жана Тажикстан өкмөттөрүнүн орун басарлары — Ачилбай Раматов жана Зиёзода Сулаймон Ризои катышты.
Кыргызстан, Өзбекстан жана Тажикстандын чектери
____________
Аталган өлкөлөрдүн лидерлери Худжанда жолугушуу өткөрүп, достук мамилелерди, коңшулук жана стратегиялык өнөктөштүктү бекемдөө, ошондой эле соода-экономикалык жана маданий тармактардагы кызматташтыкты кеңейтүү мүмкүнчүлүктөрүн талкуулашты.
Иш-чаранын жүрүшүндө президенттер искусство чеберлеринин биргелешкен концертине да катышышты.
