Иш-чарага жергиликтүү тургундар, ошондой эле коомчулук жана бийлик өкүлдөрү, райондук мекемелердин жана ишканалардын жетекчилери катышты.
Казарман айылындагы А.Сыдыков атындагы маданият үйүндө өткөн жыйын «Улуттук дем», «Дүйнөлүк бийиктик» жана «Уңгу жол» темалары боюнча докладдар менен толукталды, катышуучуларга бул багыттар боюнча кеңири маалымат берилди.
Иш-чара учурунда маданий мурастарды сактоо, тарыхый баалуулуктарды коргоо, заманбап көндүмдөрү бар коомду түзүү жана дүйнөлүк билимдер менен инновациялык технологияларды өздөштүрүү сыяктуу маанилүү аспектилер каралды.
