2027-жылдын 1-сентябрына чейин Кыргызстанда орус тилинде билим берүүчү жаңы тогуз мектептин үчөө ачылат. Бул билдирүүнү Россиянын президенти Владимир Путин Кыргызстанга мамлекеттик визити учурунда «Ынтымак Ордо» жыйынында жасады. Ал: «2023-жылы орус тилинде билим берүүчү тогуз орто мектептин курулушу боюнча маанилүү биргелешкен долбоорду ишке ашырууну баштадык. Алгачкы үч мектептин ачылышы 2027-жылдын 1-сентябрына пландалган», — деди ал Кыргызстан президенти Садыр Жапаровго кайрылып.
Мындан тышкары, Путин «Россиялык мугалим чет өлкөдө» демилгеси боюнча Кыргызстандагы 42 мектепте 157 россиялык мугалим иштеп жатканын белгиледи.
Ал ошондой эле 2024-жылдын октябрында Россияда ийгиликтүү өткөн Кыргызстан маданияты күндөрү жөнүндө эске салды, ал эми ушул жылдын күзүндө Кыргызстанда Россия маданияты күндөрү күтүлүүдө.
Россиянын лидери Кыргызстандагы орус тилинин маанисине басым жасады: «Биз Кыргызстан жетекчилигинин орус тилине байланыштуу маселелердеги колдоосун жогору баалайбыз, анткени орус тили өлкөдө расмий статуска ээ», - деп кошумчалады ал.
