Берилген маалыматтарга ылайык, азыр агрегат туруктуу иштеп, эффективдүү электр энергиясын өндүрүүдө.
«Бул маанилүү окуя, анткени экинчи гидроагрегат 1962-жылы станциянын эксплуатацияга берилген убагынан бери биринчи жолу капиталдык ремонттон жана жабдуулардын толук алмашуусунан өттү. Реконструкция процесси учурунда турбиналар жана генераторлор сыяктуу негизги түйүндөр алмаштырылды. Мындан тышкары, заманбап стандарттарга ылайык, муздатуу системалары, май насос системалары жана автоматтык системалар жаңыланды», — деп айтылат расмий билдирүүдө.
Мындан тышкары, экинчи гидроагрегаттын кубаттуулугу 9 мегаваттка көбөйдү. Модернизациялоо иштерине Кытайдын CNEEC компаниясы башкы подрядчик катары катышты.
