«Алгач жол тазаланып, өтүүгө ачылган. Бирок 2–3 сааттан кийин күчтүү шамал көтөрүлүп, трассаны кайрадан кар менен жаап салды. Натыйжада Жаңы-Алыш жана Подгорный тараптан чоң кар тоолору пайда болуп, өтүү мүмкүн болбой калды. Бир «КамАЗ» жүк ташуучу унаасы ушул участкта токтоп калды», — деп айтып беришти күбөлөр.
Адамдар суукта унааларда калгысы келбегендиктен, алар талаа аркылуу өтүп, жолдун ачык участкасына жетишти.
Бул жол участкаларын жол эксплуатациялоо ишканасы №34 тейлеши керек болчу. Бирок, милдетти аткара албай, трассаны тазалоого үлгүрбөй калышкандыктан, жергиликтүү тургундар Орловка мэриясына кайрылышты. Мунун жообунда мэрия дароо «Орловское городское жилищно-коммунальное хозяйство» муниципалдык ишканасынын кызматкерлерин жардам көрсөтүү үчүн жөнөттү, деп айтылат билдирүүдө.
«Орловское городское жилищно-коммунальное хозяйство» муниципалдык ишканасында: «Бул жолдор жол эксплуатациялоо ишканасы №34кө карайт, бирок алар ишти аткара албай жатышат. Ошондуктан биз кийлигишүүнү чечтик, азыркы учурда жолду тазалоо иштери дээрлик аяктады», — деп белгилешти.
