Ал 8-9-январь күндөрүн ишемби жана жекшемби деп жарыялоо чечими ар кандай социалдык-экономикалык жана гуманитардык факторлор менен байланыштуу экенин билдирди.
"Биз жылды оң көрсөткүчтөр менен жыйынтыктап жатабыз: экономика өсүүдө, жана жылдын жыйынтыгы боюнча ИДП 10%дан ашык көбөйөт деп күтүлүүдө. Практикада бардык секторлордо оң динамика байкалууда. Биз жарандардын толук кандуу эс алууга мүмкүнчүлүк алышы маанилүү деп эсептейбиз", - деди ал.
Бул жөн гана майрамдар эмес, үй-бүлө менен убакыт өткөрүү мүмкүнчүлүгү. Тез темптеги жашоо жана жогорку стресстин шарттарында мындай күндөр үй-бүлө байланышын бекемдөөгө, балдар менен убакыт өткөрүүгө, жакындарды зыярат кылууга жана коомдук биримдикти сезүүгө жардам берет.Байсалов адамдардын бул күндөрдү активдүү эс алуу - кышкы спорт түрлөрү менен машыгуу, өлкө боюнча саякаттоо жана ички туризмди өнүктүрүү үчүн пайдаланарына үмүт артарын билдирди. Соңку жылдары аймактарда көптөгөн мейманканалар ачылып, жолдор жана аба каттамдары жакшыртылды, бул өлкө ичинде саякаттоо үчүн чоң мүмкүнчүлүктөрдү ачат. Ошондой эле Бишкек жана Ош шаарларынан түз каттамдар менен чет өлкөгө эс алуу сунуштары көбөйүүдө", - деп кошумчалады өкмөт башчысынын орун басары.
Мындан тышкары, каникулдардын узартылышы учурдагы эпидемиологиялык абал менен байланыштуу экенин белгиледи. Узартылган дем алыш күндөрү сезондук ОРВИ деңгээлин төмөндөтүүгө, билим берүү мекемелерине жүктөмдү азайтууга жана жамааттык иммунитетти калыптандырууга жардам берет.
Жергиликтүү бийликтерге өлкө боюнча коопсуз жана активдүү үй-бүлөлүк эс алуу шарттарын түзүү тапшырмасы берилди", - деп жыйынтыктады Байсалов.
