23-январда кол коюлган жаңы Эмгек кодексине ылайык, Кыргызстанда иштебеген майрам күндөрү 1, 2, 3, 4, 5 жана 6-январь (жаңы жылдык каникул мезгили) жана 7-январь — православдык Рождество болуп эсептелет.
Мыйзамга ылайык, иштебеген майрам күнүнө чейин келген жумуш күнү (смена) бир саатка кыскартылат. Бирок, эгер кызматкерлер үчүн мурда кыскартылган жумуш убактысы белгиленсе, анда бул кыскартуу колдонулбайт.
Майрам күндөрүндө жана эс алуу күндөрүндө иштөө катуу тыюу салынат.Жумуш берүүчүлөр кызматкерлерди иштебеген майрам күндөрүндө жана эс алуу күндөрүндө алардын жазуу жүзүндөгү макулдугу менен гана төмөнкү жагдайларда жумушка тартууга укуктуу:
- өндүрүш аварияларынын, табигый кырсыктардын кесепеттерин алдын алуу же жоюу үчүн;
- жаракаттарды жана мүлктүн бузулушун алдын алуу үчүн;
- бардык ишкананын же анын айрым бөлүмдөрүнүн мындан аркы иши көз каранды болгон шашылыш тапшырмаларды аткаруу үчүн.
Башка жагдайларда, эс алуу күндөрүндө жумушка тартуу үчүн кызматкердин жазуу жүзүндөгү макулдугу жана эмгек жамаатынын өкүлчүлүк органынын макулдугу талап кылынат.Иштебеген майрам күндөрүндө майыптар жана боюнда бар аялдар үчүн жумушту аткаруу мүмкүн, эгер ал алардын ден соолугуна каршы келбесе, бул медициналык корутунду менен тастыкталууга тийиш.
