Негиздеме-эскертмеде документтин негизги максаты керектөөчүлөрдүн укуктарын коргоо, азыктарды сактоо жана сатуу шарттарын жакшыртуу, ошондой эле сатып алуучулардын товарлардын курамы жөнүндө маалымдуулугун жогорулатуу жана калктын ден-соолукка пайдалуу тамак-ашка болгон муктаждыгын канааттандыруу экендиги көрсөтүлгөн.
Долбоорго ылайык, айрым товарлардын соода эрежелери өзгөртүлөт.
Айрыкча, сатуучүлөр табигый ширелерди жана шире камтыган азыктарды бири-биринен бөлүп, ар башка полкаларда, витриналарда же атайын соода бөлүктөрүндө жайгаштырууга милдеттүү болушат.
Мындай бөлүү, аталган товарларды Техникалык регламенттин талаптарына ылайык так бөлүп көрсөтүүгө мүмкүндүк берет.
Мындан тышкары, ширелер сатылган ар бир соода участкасында продукциянын курамы жөнүндө так жана окууга жеңил маалымат жайгаштырылышы керек, анын ичинде шире камтыган ичимдиктерде шире компоненттеринин бар экендигин милдеттүү түрдө көрсөтүү.
Бул чаралар сатып алуучуларды жаңылыштыкка кабылбоо үчүн багытталган.
Долбоордо жергиликтүү өндүрүштөгү товарларды белгилөө үчүн жаңы талаптар да каралган. 50 чарчы метрден чоң дүкөндөрдө кыргыз продуктуларына атайын стеллаждар же полкалар бөлүп, аларды «Органика» шелфтокери менен белгилөө сунушталууда.
200 чарчы метрден чоң соода залдары үчүн отандык товарларды сатуу жайларынын үстүндө жеңил жарнама конструкцияларын орнотуу каралган.
Мындан тышкары, 200 чарчы метрден чоң соода аянттарында сатып алуучулардын көңүлүн буруу үчүн «Органика» маалымат көрсөтмөлөрүн, баннерлерди жана шелфтокерлерди жайгаштыруу пландалууда.
