Шаардык администрациянын өкүлдөрү акыркы жылдарда ЖМК, мисалы, электр самокаттар, моноколесо жана гироскутерлерди ижарага алуу жана жалдоо ылдам өнүгүп жатканын белгилешет. Бирок, алардын жайгаштырылышы көп учурда тартипсиз, тиешелүү органдар менен макулдашылбай жүрөт, бул болсо шаардагы жөө адамдардын жана автоунаалардын кыймылына тоскоолдук кылып, муниципалдык кызматтар менен операторлор арасында талаш-тартыштарды жаратат.
Кызматкерлер транспорт агымынын өсүшү шартында ЖМК альтернативдүү жүрүү жолу болуп, шаардагы тыгындарды азайтууга жардам берерин белгилешет.
Ошондуктан, ижарага алуу жана жалдоо үчүн ЖМК жайгаштырууга арналган жер участкаларынын тизмесин түзүү жана бекитүү тартибин орнотууну, ошондой эле алардын пайдалануу географиялык аймактарын аныктоону көздөгөн долбоор иштелип чыкты.
Долбоорго ылайык, ЖМК жайгаштыруу үчүн арналган жер участкалары бир жылга чейин кыска мөөнөттүү ижарага түз сатуу жолу менен берилет. Участканын өлчөмү 5 квадрат метрден ашпашы керек.
Жер участкаларынын ижара акысы Бишкектеги жеңил типтеги объектилер үчүн белгиленгендей аныкталат.
ЖМК жайгаштырууга тыюу салынган участкалардын тизмеси:
- жүктөө жана түшүрүү үчүн аянтчалар;
- инвалиддер үчүн парковка орундары;
- эки метрден азыраак туурасы бар тротуарлар жана билим берүү жана медициналык мекемелерге кирүү жолдору;
- жолдордун жүрүү бөлүгү, атайын бөлүнгөн парковка чөнтөктөрүнөн башка;
- жер астындагы жана жер үстүндөгү жөө адамдардын өтмөктөрүнөн чыгуу жана кирүү, коомдук транспорттун токтоочу жайлары;
- ЖМКнын парковкасы көрүнүктүүлүккө коркунуч туудуруп, кыймылга тоскоолдук кылып же өзгөчө кызматтардын ишине кедергиле жараткан участкалар.
Мындан тышкары, долбоордо ЖМКны мобилдик тиркемелер же терминалдар аркылуу пайдалануу үчүн катуу эрежелер каралган, бул болсо колдонуучулардын идентификациясын милдеттүү кылат, бул коопсуздукту жана жоопкерчиликти жогорулатат.
Ошондой эле, жол кыймылынын эрежелерин жана белгиленген нормаларды бузган учурда келишимдерди бузуу жана операторлордун тиркемелеринде колдонуучуларды блоктоо мүмкүнчүлүгүн камтыган көзөмөл чаралары каралган.
«Бул долбоордун ишке кириши ЖМКнын жайгаштырылышын тартипке келтирүүгө, коомдук жайларда алардын уруксатысыз калтырылышын азайтууга, шаардыктардын кыймыл коопсуздугун жогорулатууга жана алардын пайдаланылышын көзөмөлдөө системасын киргизүүгө мүмкүндүк берет. Мындан тышкары, ижара акысынын аныктоо боюнча ачык схема түзүлөт, бул шаардык бюджетке кыска мөөнөттүү жер участкаларын ижарага берүүдөн жана туура эмес жайгаштырылган ЖМКны жылдыруу үчүн төлөмдөрдөн кошумча кирешелерди алып келет. Бул токтомдун кабыл алынышы транспорттук инфраструктураны жакшыртып, шаардык чөйрөнү ыңгайлуу кылат», — деп белгилешет шаардык администрацияда.
