Ведомстводо ар бир жаран өзүнүн салттарына жана динге ылайык жерге коюу укугуна ээ экендигин белгилешти. Жерге коюу процесси моралдык-этикалык нормаларды, ошондой эле жалпы кабыл алынган стандарттарга ылайык диний жана маданий салттарды эске алууга тийиш.
Мындан тышкары, мамлекеттик агенттикте жобо кремацияны бардык жарандар үчүн милдеттүү кылбай турганына көңүл бурушту. «Документтин максаты кремацияны өз алдынча тандоону чечкендер үчүн укуктук жана санитардык шарттарды түзүү», — деп кошумчалашты.
Кремация жакын туугандардын же жерге коюу үчүн жооптуу адамдын жазуу жүзүндөгү макулдугу болгондо гана уруксат берилет. Мындай макулдук алынганга чейин кремация жүргүзүлбөйт.
