Интернеттен алынган сүрөт
Жарияланган маалыматтарга ылайык, Бишкектеги абанын булгануу деңгээли AQI боюнча 202 бирдикке жетти, бул ден соолук үчүн "өтө зыяндуу" категориясына кирет. Мындай шарттарда балдар, кары адамдар жана респиратордук оорулары бар жарандар өзгөчө тобокелдикке дуушар болушат.
Бул антирейтингде Бишкек Индиянын Дели шаарына (AQI 306) жана Пакистандын Лахор шаарына (259) гана жол берет. Бишкектен кийин Эль-Кувейт (Кувейт) жана Чэнду (Кытай) турат.
Экологдор AQI 200дөн жогору болгондо, сыртта өткөрүлгөн убакытты минималдаштырууну, таза абада физикалык жүктөмдөн качууну жана коргоочу маскаларды кийүүнү сунушташат.
