Визит учурунда шаар башчысы окуу класстарынын абалын жана окуучулар үчүн инфраструктураны изилдеп, ошондой эле мыйзамсыз курулуштар аныкталган айлананы текшерди.
Мэриянын маалыматына ылайык, билим берүү мекемесинин жер тилкесинде беш турак үй жана үч коммерциялык объект, анын ичинде «Реми» рестораны, «Айгат» кафеси жана «Салам» мейманканасы курулган.
Токторбаев жооптуу кызматкерлерге социалдык муктаждыктар үчүн бөлүнгөн жерлерди кайрадан муниципалдык менчикке кайтаруу боюнча чараларды көрүүнү тапшырды. Мындан тышкары, ал мектеп парталарын жана отургучтарын жаңылоону, ошондой эле башка аныкталган кемчиликтерди жоюуну тапшырды.
Анын көрсөтмөлөрүнө ылайык, мектептин аймагы жеке курулуштардан тазартылып, жаңы окуу корпусун куруу пландалууда. Учурда № 8 мектепте болжол менен 2500 окуучу билим алууда.
