«Үч баланын энеси өзүнүн туулган күнүндө мурдагы күйөөсүнүн колунан өмүрүн жоготту. Бул трагедиялык кырдаал биздин өлкөдөгү аялдар жана кыздар дагы эле жетиштүү корголбогонун кайрадан баса белгилейт. Бул алар үчүн зомбулук көрсөтүп жаткан күйөөлөрүнөн качууну кыйындатат. Жооптуу адамдар мыйзам боюнча жазаланууга тийиш», — деди ал.
У.Ж.нын жакындарынын билдирүүсүнө караганда, ал ушул жылдын ноябрь айында үй-бүлөлүк зомбулук боюнча укук коргоо органдарына арызданган. Андан кийин ал ажырашуу боюнча арыз жазган.
Темага байланыштуу окуңуз Бишкекте бир аялды атып кетишти. Полиция маалыматтарды жарыялады
Акыйкатчы институту маркум аялдын үй-бүлөсүнө жана балдарына психологиялык жана юридикалык жардам көрсөтөт.
Ички иштер министрлигинин маалыматына ылайык, ушул жылдын 11 айында үй-бүлөлүк зомбулук боюнча 19 миң 995 учур катталган, алардын негизинде 519 кылмыш иши козголгон.
Омбудсмен институтуна 2025-жылдын он айында аялдар жана балдардын укуктарынын бузулушу боюнча 129 арыз келип түшкөн (мурунку жылы — 135), алардын 24ү үй-бүлөлүк зомбулук маселелерине тиешелүү (2024-жылы — 31).
