РЦ “Эне үйү” директору Назгуль Турдубекова, бул модель БУУ тарабынан флагмандык катары таанылганын белгиледи. Бул демилге энелер менен балдардын байланышын сактоодо жана балдарды интернатка жайгаштыруу учурларын азайтууда өзүнүн натыйжалуулугун көрсөттү.
Кыргыз Республикасынын Омбудсмени Джамиля Джаманбаева, баланын үй-бүлөдө жашоо жана тарбия алуу укугу бардык башка укуктарды ишке ашыруу үчүн негизги экенин баса белгиледи:
“Биздин максат - Кыргызстанда бир дагы бала ата-энесиз, өтө зарылчылык болбосо, калбашы керек.”
БУУнун өлкөдөгү туруктуу координатору Антье Граве, борбордун ишинин маанилүүлүгүнө көңүл бурду, мындай деди:
“Эне үйү” БУУнун балдардын укуктары боюнча Конвенциясынын негизги принциптеринин бирин ишке ашырып, кыйын кырдаалдардагы энелерге жана балдарга колдоо көрсөтүп, балдарды үй-бүлөдө сактайт.”
ЮНИСЕФтин Кыргызстандагы балдарды коргоо программасынын координатору Сильвия Хилл, 550 социалдык кызматкер жана РЦ “Эне үйү” балдарды жана алардын үй-бүлөлөрүн колдоо жана коргоодо маанилүү роль ойнорун белгиледи.
Кыргызстандагы БУУ Аялдар уюмунун жетекчиси Саед Садык: “Эненин укугун коргоп, биз үй-бүлөнү сактайбыз” деп кошумчалады.
Иш-чарага мамлекеттик структуралардын, эл аралык уюмдардын, НПОлордун жана ММКнын өкүлдөрү катышты. Госторго “Эне үйү” борборунун иши көрсөтүлүп, балдардын үй-бүлөдө жашоо укугу, кыргыз элинин энелерди жана балдарды колдоо салты, ошондой эле үй-бүлөлөрдү сактоодо ведомстволор аралык өз ара аракеттенүүнүн маанилүүлүгү талкууланды.
Бардык катышуучулар үй-бүлөлүк атмосфера жана ата-эненин сүйүүсү баланын бактысы үчүн негиз болуп эсептелерин макулдашты.
Иш-чараны уюштуруучулар РЦ “Эне үйү” (“Эне үйү” филиалы - MHIF) жана “Балдардын укуктарын коргоочулардын Лигасы” коомдук фонду болуп саналат.
