Аталган жер тилкеси Байтик Баатыр айылдык аймагында жайгашкан жана аянты 27,82 гектарды түзөт. Бул жерлер айыл чарба жерлеринен турак жай жерлерине өзгөртүлдү, анын ичинен 25,38 гектары мамлекетке таандык, ал эми 2,44 гектары жеке менчикте.
Бул чечим Кыргыз Республикасынын мамлекеттик жана стратегиялык маанилүү долбоорлору үчүн сугат жерлерин трансформациялоого мораторий тууралуу мыйзамдын жана Кыргыз Республикасынын Жер кодексинин жоболорун эске алуу менен кабыл алынган.
Интернеттен алынган сүрөт. КРСУнун кампусунун долбоору
Кабыл алынган токтомго ылайык, Аламедин районунун администрациясы жер тилкесин коргоого алып, үчүнчү жактардын укуктарын токтотуп, курулуш башталгандан мурун мамлекеттик менчикке өткөрүп, кадастрдык документтерге өзгөртүүлөрдү киргизиши керек. Ошол эле учурда шаар куруу, экологиялык, санитардык жана сейсмикалык нормаларды катуу сактоо зарыл.
Жердин уруктуулугун сактоо, айыл чарба өндүрүшүндөгү мүмкүн болгон жоготуулар үчүн компенсация берүү, тарыхый-мәдени мурастарды коргоо жана жер казуучу иштерге археологду тартуу зарылдыгына өзгөчө көңүл бурулат.
Бул токтомдун аткарылышын контролдоо Кыргызстандын президент администрациясына жүктөлгөн. Документ кол коюлган күндөн тартып 10 күндөн кийин күчүнө кирет.
Токтомду өкмөт башчы Адылбек Касымалиев кол койгон.
