Карим Ханджеза жатакана куруу боюнча өтүнүч менен чыкты
Жогорку Кенештин конституциялык мыйзамдар, мамлекеттик түзүлүш, жергиликтүү өз алдынча башкаруу жана регламент боюнча комитетинин жыйынында депутат Карим Ханджеза Индия, Пакистан жана Кытайдан келген чет элдик студенттер үчүн ыңгайлуу шарттарды түзүү өтүнүчү менен илимий, жогорку билим берүү жана инновациялар министринин милдетин аткаруучу Гульзат Исматовага кайрылды.
Ал бул студенттер үчүн жатаканалар куруу зарылдыгына көңүл бурду, билим берүү кызматтарын экспорттоо пайдалуу багыт экенин белгилеп, Исматованы бул тармакта ишти активдештирүүгө чакырды.
Гульзат Исматова болсо, жатаканалардын жетишсиздиги маселеси чет элдик студенттерди гана эмес, Кыргызстандыктарды да камтый турганын белгиледи. Анын айтымында, билим алып жаткандардын болгону 30%ы жатаканада орун ала алат.
«Биз жатаканалардын абалын жакшыртууга жана алардын ичиндеги орундардын санын көбөйтүүгө мүмкүндүк берген мамлекеттик-менчик өнөктөштүк долбоору менен иштеп жатабыз», — деп баса белгиледи Исматова.
Сүрөт www
