Сүрөттө айылдын урматтуу аксакалдарын көрүүгө болот, бул тууралуу жергиликтүү тургун Жеринди Саякбаева айтып берди.
«Биз үчүн бул жөн гана сүрөт эмес. Анда биздин айылдын урматтуу жана сыйлуу адамдардын образы чагылдырылган, алар ошол кезде 70 жаштан ашык болушкан. Тилекке каршы, азыр алардын баары бул дүйнөнү таштап кетишти. Сүрөт Четен Шамшиевдин үйүндө тартылган, ал эмгек ардагери», — деп эскерет Жеринди.
Анын айтымында, ошол учурда айылдын башчысы Тынчтыкбек Мамбеталиев болгон. Мындан тышкары, майрамдык иш-чараларды уюштурууда квартал башчылары жана айылдын жаштары активдүү катышкан.
Жеринди белгилегендей, сүрөттөгү бардык эркектер жана аялдар 40-50 жыл колхоздордо, мамлекеттик мекемелерде, ошондой эле билим берүү жана саламаттык сактоо тармагында эмгектенишкен.
Мисалы, Асанбек Шейшеналиев 45 жыл мамлекеттик малга кам көрүп, эң мыкты чабандардан болуп эсептелген. Четен Шамшиев көп жылдар бою милицияда кызмат өтөгөн, ал эми пенсияда күзөтчү болуп иштеген. Сүрөттө көп балалуу энелер да бар», — деп жыйынтыктады ал.
