Ал 2003-жылы Казарман шаарында төрөлүп, 32-орто мектепти аяктаган. Германияга студенттер үчүн программа аркылуу келип, Мюнстердеги университетти аяктап, тиш техниги кесибин алган.
Айыммырза Шон МакДоналд менен таанышуу тарыхын бөлүштү.
«Шон Германияга жайкы жумушка келгенде, мен ал жерде окуп жаткан элем. Менин үй-бүлөмдөн бирөө анын үйүндө няня болуп иштечү, ал аны конокко чакырган — ошентип биз жолукканбыз», — деди ал.
Шон 2004-жылы төрөлүп, 2012-жылга чейин Кыргызстанда жашаган, андан кийин АКШга көчүп, азыркыга чейин ошол жерде жашап жатат.
Шон Айыммырзадан эки сааттык аралыкта иштесе да, ар бир жумада ага келип турчу. «Ал кеткенден кийин бир нече күндөн соң мага «I love you» деп жазган», — деп кошумчалады ал.
Айыммырза Шон тең салмактуу мүнөзгө ээ адам экенин белгиледи. «Мен анын келечекке болгон пландарын жактырдым; анын жанында мен жакшы эртеңки күнгө болгон ишенимди сездим. Ал кыргыз салттарын, динди жана үй-бүлөлүк баалуулуктарды сыйлайт, жана мени кандай бар, ошондой кабыл алат, менин өнүгүүмө жардам берет», — деди ал.
Эки жаштын ата-энелери алардын мамилесин колдошот. Учурда алар дагы нике каттаган эмес, бирок Кыргызстанда үйлөнүү той өткөрүүнү пландаштырууда.
Айыммырза Шон менен биринчи жолу жолуктганда, анын англис тили боюнча билими чектелүү болчу. Бирок алар котормочу жана ишараттар аркылуу бир нече саат сүйлөшө алышты. Бул байланыштын натыйжасында, ал англис тилин жакшыраак үйрөндү. Бир айдан кийин Шон Кыргызстанга келип, анын үй-бүлөсү менен таанышкан.
Шон америкалык салттарды көп карманбайт, анткени анын ата-энеси Кыргызстанда 14 жыл жашашкан, жана алардын үйүндө дагы кыргыз салттары сакталууда.
Учурда Айыммырза социалдык тармактарда контент түзүү менен активдүү алектенүүдө.
«Мен жаңы нерселерди үйрөнүүнү жакшы көрөм, мисалы, бокс, ырдоо жана бийлөө. Мен саякаттоого мүмкүнчүлүк берген финансылык көз карандысыздыкты кыялданам. Ошондой эле, мен социалдык тармактарда өз тажрыйбамды бөлүшүп, окшош максаттары бар адамдарга жардам бергим келет. Мен кыргыз кочмондорунун маданиятынын жана Кыргызстандын сулуулугун дүйнөгө көрсөтүүнү үмүттөнөм. Жакшы эне болууну кыялданам», — деп жыйынтыктады ал.
