Роял 15-декабрда сатып алынган жана анын баасы 25 миллион сомду түзгөн, деп белгиледи маданият министри Мирбек Мамбеталиев АКИpress агенттигине берген интервьюсунда.
Иш-чарада өкмөт башчысынын орун басары Эдиль Байсалов, маданият, маалымат жана жаштар саясаты министри Мирбек Мамбеталиев, театрдын директору Муратбек Бегалиев жана искусство менен маданияттын көптөгөн өкүлдөрү катышты.
Министрликте театрдагы роялдарды жаңылоо маселеси 1980-1990-жылдардан бери актуалдуу болуп келгенин белгилешти.
«Дүйнөдө концерттик роялдардын жыйырмага жакын өндүрүүчүсү бар. Бирок белгилүү пианисттердин 94% роялдарды симфониялык оркестрлер менен чыгыш үчүн Steinway роялдарын тандайт», — деп кошумчалашты билдирүүдө.
Мындан тышкары, учурда театр үчүн заманбап үн жана жарык жабдууларын сатып алуу боюнча тендерлер өткөрүлүүдө.
