Коомдук коопсуздук органдарынын маалыматына ылайык, дем алыш күндөрү милиция кызматкерлери бул популярдуу курорттордо коопсуздукту камсыз кылуу менен активдүү алектенишет. Чыйырчык жана Кара-Кой лыжа базаларына келген эс алуучулардын санынын кескин көбөйгөнү байкалууда, алардын арасында негизги бөлүгүн коңшу өлкөнүн коноктору түзөт.
Коопсуздук чаралары жана кырсыктардын алдын алуу боюнча эс алуучулар менен түшүндүрүү иштерин жүргүзүп, аларга коопсуздук эрежелери тууралуу маалымат беришет. Ошондой эле туристтердин ыңгайлуулугу үчүн ар кандай кызматтарды көрсөтүшөт.
Мындан тышкары, лыжа базаларынын аймагында укук бузууларды жана кылмыштарды алдын алуу максатында күндүзгү жана түнкү патрулдук кызматтар уюштурулган, алар Ош облусунун ички иштер башкармалыгынын борбордук аппаратынын жана анын бөлүмдөрүнүн кызматкерлеринен турат.
