Ведомствонун маалыматына ылайык, бул балдардын 12си Манас айылында, бирөө Майлуу-Сууда табылган.
«Көпчүлүк адамдардын катышуусунда өткөн концерттер учурунда 3 жаштан 10 жашка чейинки 12 бала жоголду. Алардын бардыгы тез арада ата-энелерине кайтарылды. Майлуу-Сууда дагы бир бала табылып, анын ата-энелери аныкталган, милиция түнкү 02:00дө аны туугандарына кайтарды», — деп айтылат билдирүүдө.
Майрамдык күнү ички иштер органдары күчөтүлгөн режимде иштешти. Ошондой эле, ошол эле күнү мыйзамсыз жүгүртүүдө болгон эки травматикалык ок атуучу куралды тартып алышты.
