ГУВДнын өкүлдөрү чет элдик жарандар өздөрүнүн жеке жана өлкөдөгү легалдуу болушун тастыктаган документтердин оригиналдарын алып жүрүшү керек экенин баса белгилешти. Бул паспорт же башка жеке инсандыгын тастыктаган документ, иштөө же окуу үчүн жарактуу виза (виза режиминде болсо), ошондой эле миграция боюнча каттоого алуу документтерин камтыйт.
Эгер чет элдик жаранда жогоруда аталган документтер жок болсо, аны жеке инсандыгын аныктоо жана өлкөдөгү болушунун шарттарын текшерүү үчүн ички иштер органдарына жеткириши мүмкүн. Рейддердин жүрүшүндө 35 чет элдик жаран кармалып, Бишкек ГУВДсына кошумча текшерүү үчүн жеткирилди.
Мындан тышкары, ведомстводо чакыруу жасаган тараптар, жумуш берүүчүлөр жана билим берүү мекемелери чет элдик жарандардын паспортун же башка жеке документтерин алып коюуга же сактоого укугу жок экенин белгилешти.
Бишкек ГУВДсы чет элдик жарандарды жана кабыл алуучу тараптарды Кыргыз Республикасындагы миграция мыйзамдарын катуу сактоого чакырат.
