Бишкек жана Чүй облусунда аба ырайынын начарлашы күтүлүп жаткандыктан, штормдук эскертүү жарыяланды.
Кыргызгидрометтин маалыматына ылайык, жакынкы үч сааттын ичинде, ошондой эле кечки убакта, 15–20 метр секундга чейин жеткен күчтүү чыгыш шамалы күтүлүүдө.
Табигый кырсыктар министрлиги тургундарды этият болууга чакырат: электр өткөргүчтөрүнүн, жарнама такталарынын жана дарактардын жанында болбоону сунуштайт.
Эгер жардам талап кылган жагдай жаралса, 112 номери боюнча дароо чалуу керек. Чалуу күнү-түнү кабыл алынат жана акысыз.
