Иш-аракеттин негизги максаты — калктын саламаттыгын коргоо үчүн күчтөрдү бириктирүү, мыкты тажрыйбаларды алмашуу жана Эл аралык саламаттыкты сактоо уюму менен өз ара кызматташтыкты өнүктүрүү.
Иш-чаралар планы 10 негизги багытты камтыйт жана 100дөн ашык ар түрдүү инициативаларды өзүнө алат, алардын арасында төмөнкүлөрдү белгилеп өтсө болот:
- саламаттыкты сактоо тармагындагы мыйзамдык базаны жакшыртуу;
- жугуштуу эмес оорулардын алдын алуу жана баштапкы медициналык жардамдын сапатын жогорулатуу;
- биргелешкен илимий изилдөөлөрдү, конференцияларды жана форумдарды өткөрүү;
- инновациялык медициналык технологияларды киргизүү үчүн тажрыйба алмашуу;
- ТМДнын негизги жана адистештирилген саламаттыкты сактоо уюмдары аркылуу кызматташтыкты бекемдөө.
