Министрлик билдиргендей, климаттын өзгөрүшү жана жаан-чачындын азайышы айрым региондордо суунун жетишсиздигине алып келиши мүмкүн. Ошондуктан айыл чарба өндүрүүчүлөрүнө суу ресурстарын рационалдуу пайдаланууну алдын ала уюштурууну сунушташат.
Атап айтканда, мекеме суу үнөмдөгөн технологияларды, мисалы, тамчы жана жамгыр менен сугаруу, ошондой эле суу керектөөнү азайтуучу айыл чарба өсүмдүктөрүн өстүрүүнү жана кургакчылыкка туруктуу үрөн сортторун пайдаланууну сунуштайт.
Министрлик ошондой эле сугаруу учурунда суунун бөлүштүрүлүшү адилеттүү жана тең салмактуу негизде жүргүзүлөрүн белгиледи. Фермерлер жергиликтүү айыл чарба башкармалыктарына кошумча маалымат алуу үчүн кайрылышы өтүнүлөт.
