Коргоо министрлигинин маалымат кызматынын маалыматы боюнча, бул иш-чарага коргоо министринин орун басары, полковник Алмазбек Кулмурзаев жана Улуу Ата Мекендик согуш жылдарында курман болгон адамдардын жакындары катышты.
Иш-чаранын жүрүшүндө жакындарына согуш учурунда дайынсыз жоголгон аскерлерге тиешелүү архивдик документтер тапшырылды.
Бул документтер Коргоо министрлигинин тапшырмасы боюнча аскердик лицейдин кызматкерлери тарабынан жүргүзүлгөн санариптештирүүнүн жыйынтыгы болуп, Россиянын Борбордук архивинен алынган маалыматтардын негизинде даярдалган.
Ленинград блокадасы 1943-жылдын 18-январында алынган, бирок 1944-жылдын 27-январында шаарды толук бошотуу күнү катары белгиленет. Блокада учурунда Ленинграддан Кыргызстанга 16 миңден ашык адам эвакуацияланган, алардын арасында 3,5 миңден ашык бала бар.
Эвакуацияланган адамдардын бири кыргызстандык Токтогон Алтыбасарова болуп, ал Ленинграддан келген 150 балага кам көрүү милдетин өзүнө алган.
