Иш-чара 15-январда Бабур атындагы Мамлекеттик өзбек академиялык музыкалык-драмалык театрында өттү. Ал агрардык секторду колдоо жана фермерлердин квалификациясын жогорулатууга багытталган.
Ярмарка «Фергана өрөөнүндө ирригация боюнча өнөктөштүк» долбоорунун алкагында уюштурулду жана ага Ош облусундагы президенттин ыйгарым укуктуу өкүлүнүн биринчи орун басары Илияз Ташбаев, ошондой эле көптөгөн ишкерлер жана фермерлер катышты.
Илияз Ташбаев бул иш-чаранын жөн гана көргөзмө эмес, айыл чарбасы үчүн тажрыйба алмашуу, билимди кеңейтүү жана жаңы мүмкүнчүлүктөрдү ачуу үчүн маанилүү платформа экенин белгиледи.
Анын айтымында, ярмарканын негизги милдеттеринин бири катышуучуларды заманбап ирригация технологиялары менен тааныштуу кылуу, жеткиликтүү финансылык инструменттер жөнүндө маалымат берүү жана өндүрүүчүлөр, финансылык мекемелер жана кеңешчилер ортосунда түз байланыштарды орнотууга көмөктөшүү болуп саналат.
Учурда, 2025-жылга карата маалыматтар боюнча, региондо 400 гектардан ашык заманбап ирригация системалары киргизилген. 2026-жылга чейин бул аянтты 600 гектарга чейин жогорулатуу пландалууда.
