Министрликтин маалыматына ылайык, 2024–2025-жылдар аралыгында суу үнөмдөө системалары 2369,5 гектарда ишке киргизилген, анын ичинен 641,5 гектарды тамчы системалары, ал эми 1728 гектарды жаан сугат системалары ээлейт.
«Учурда республикада 2000 гектар жер белгиленген, 1500 гектарда системаларды орнотуу боюнча тендерлер жарыяланган. Ошондой эле зарыл болгон долбоордук-сметалык документация даярдалган. Фермерлер менен иш алып баруу алкагында суу үнөмдөө технологияларынын артыкчылыктарына арналган республика деңгээлиндеги эки семинарды камтыган түшүндүрүү иш-чаралары өткөрүлөт», - деп айтылат билдирүүдө.
Тендерлер аяктагандан кийин зарыл болгон жабдууларды сатып алуу пландалууда, ал эми системаларды орнотуу 2026-жылдагы вегетациялык сезондун башына чейин жүргүзүлөт.
