Жогорку Кеңештин жыйынында депутат Бурун Аманова Бишкектин турак жай аймактарындагы газдаштыруу маселесин көтөрдү.
Ал «Газпром» компаниясы бардык турак жай массивдеринин болгону жарымын газдаштыра алганын билдирди. Мындан тышкары, ал Баткен облусунун Кадамжай районунун тургундарынан газдын берүүүнүн токтогону боюнча нааразычылык билдирүүлөр келип жатканын белгиледи.
Бул боюнча Жогорку Кеңештин спикери Нурланбек Тургунбек уулу Баткендеги газдын жеткирүүсүнө «Газпром» эмес, «Кыргызнефтегаз» жооптуу экенин тактады.
Түтүн маселеси боюнча спикер: «Быйыл Бишкек узак убакыттан бери биринчи жолу жашыл зонада болду. Биз өткөн жылдардагыдай түтүндү көрбөйбүз. Бул бардыгына көрүнүп турат. Өкмөт бул багытта активдүү иш алып барууда, абанын сапатын жакшыртуу үчүн ар кандай чараларды колдонууда. Биз аларга ыраазычылык билдиришибиз керек. Позитивдүү өзгөрүүлөргө көңүл буруу зарыл. Түтүн маселеси толук чечилген жок болсо да, абанын булганышы өткөн жылдар менен салыштырганда кыйла төмөндөгөн», - деп белгиледи спикер.
