Муфтият мамлекеттик органдар менен биргеликте бул кыймылдын тарапкерлеринин арасында активдүү түшүндүрүү иштерин жүргүзүүдө. Бул иш-чаралардын негизги максаты «Йакын-Инкар» идеологиясынын негизсиздигин көрсөтүп, бул багыттын тарапкерлерине традициялык исламдын позицияларын жеткирүү.
Кыймылдын мурдагы катышуучулары, өз көз караштарын жаңылыш деп таанып, өкүнүчүн билдиришип, Улемдер кеңешинин көрсөтмөлөрүнө жана ДУМКнын талаптарына ылайык жүрүүгө, ошондой эле өлкөнүн мыйзамдарын сактоого даяр экендиктерин билдиришти. «Йакын-Инкар» кыймылынын мурдагы активдүү өкүлдөрүнүн бири: «Биз пропаганда жана аскетизмге өтө терең кирип кеткендигибизди түшүндүк. Биз «инкар» жолунан корккондуктан эмес, умманын биримдиги жана Кыргызстан мусулмандарынын тынчтыгы үчүн баш тартып жатабыз. Граждандар катары биз мамлекеттик мыйзамдарды сактайбыз, ал эми мусулмандар катары муфтияттын фатвасына баш ийебиз. Биз муфтияттын биримдикти жана ынтымакты бекемдөө боюнча аракеттерин колдойбуз» деп белгиледи.
Түшүндүрүү иштери өлкөнүн бардык аймагында уланууда.
«Йакын-Инкар» традициялык «Таблиги Джамаат» кыймылына негизделген диний-экстремисттик багыт болуп, анын баштапкы принциптеринен кыйла четтеп кеткен. Кыргызстанда бул кыймыл расмий статуска ээ эмес жана деструктивдүү диний багыт катары каралат.
